Икона Божией Матери «Всеблаженная»

Пред иконой Пресвятой Богородицы «Всеблаженная» молятся о защите от предстоящих неприятностей, о счастии и мире в семье, об утешении в скорбных обстоятельствах.

Молитва ко Пресвятой Богородице пред Ее иконою «Всеблаженная» или «Памакариста»

О Пресвятая Дево, Мати Господа Вышних сил, Небесе и земли Царице, града и страны нашея всемощная Заступнице! Приими хвалебное пение сие от нас недостойных раб Твоих, и вознеси молитвы наша ко престолу Бога Сына Твоего, да милостив будет неправдам нашим и пробавит благодать Свою чтущим всечестное имя Твое и с верою и любовию покланяющимся пречистому образу Твоему.

Несмы бо достойни от Него помиловани быти, аще не Ты умилостивиши Его о нас, Владычице, яко вся Тебе от Него возможна суть. Сего ради к Тебе прибегаем, яко к несомненней и скорей Заступнице нашей: услыши нас молящихся Тебе, удиви над нами великия и богатыя милости Твоя, яви нам небесную помощь Твою и заступление, и испроси у Бога Сына Твоего пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиренномудрие, супругом любовь и согласие, чадом послушание, обидимым терпение, обидящим страх Божий, скорбящим благодушие, радующимся воздержание; нам же всем низпосли дух разума и благочестия, дух милосердия и кротости, дух чистоты и правды. Ей, Госпоже Пречистая! Умилосердися на немощныя люди Твоя, рассеянныя собери, заблуждшия на путь правый настави, недугующия уврачуй, старость поддержи, юныя уцеломудри, младенцы воспитай, и призри на всех нас призрением милостиваго Твоего заступления, воздвигни нас из глубины греховныя и просвети сердечныя очи наши ко зрению спасения. Милостива нам буди зде и на страшнем суде Сына Твоего, преставльшияся же в вере и покаянии от жития сего отцы и братию нашу в вечней жизни со ангелы и со всеми святыми жити сотвори. Ты бо еси, Госпоже, слава небесных и упование земных, Ты по Бозе наша Надежда и Заступница всех притекающих к Тебе с верою. Тебе убо молимся, и Тебе, яко всемогущей Помощнице, сами себе и друг друга и всю жизнь нашу предаем, ныне и присно и во веки веков. Аминь.

Тропарь, глас 4

Торжество днесь празднуем светлое, се бо предлежит, о Всеблаженная, икона Твоя всечестная, к нейже, любовию сердца вси приходяще, Владычице, поклоняемся и тепле Тебе вопием: избави нас от бед и обстояний.

Кондак, глас тойже

В праздник Твой сошедшеся, вернии, священное ко славе Божией торжество Твое, Владычице, днесь всеблагоговейно совершаем, любовию же чтуще честную икону Твою, Тебе песнословим вси в радости: радуйся, Дево Честная, Всеблаженная.

Величание

Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем, с верою притекающим.

Молитва которая может изменить судьбу
Молитвы, изменяющие судьбу. Молитва Николаю Чудотворцу Благодаря ей многие люди изменили судьбу, излечились от тяжелых болезней, а кто-то сохранил свое рабочее…
Очень сильная молитва от зависти лютой
Сильная молитва от зависти людей: описание, виды и тексты молитв. Как правильно читать православную молитву, чтобы избавиться от завистников на работе? [note…
Молитва от ушибов детям
Часто можно услышать, что любая молитва может помочь человеку, который читает ее с истинной верою и сильной любовью в собственном сердце. Это применимо и в…
Молитва для защиты от врага, насилия и угнетения.
В молитвенниках существуют очень сильные молитвы от неприятностей , читая которые, можно не просто умиротворить врага своего, а избавить его от злобных…
Молитва очищения
Православные молитвы для очищения тела, души, дома. Слово имеет необыкновенную силу воздействия на человека и мир вокруг. Слово в звуке дает импульс, наполняет…