Молитвы о прозрении

Молитвы при глазных болезнях. Святой апостол Лука изучал врачебное искусство и помогал людям еще в своей земной жизни, особенно при глазных болезнях.

Тропарь, глас 5

Апостольских деяний сказителя и Евангелия Христова светла описателя, Луку препетаго, славна суща Христове Церкви, песньми священными святаго апостола похвалим, яко врача суща, человеческие немощи, естества недуги и язи душ исцеляюща и молящася непрестанно за души наша.

Кондак, глас 2

Истиннаго благочестия проповедника и тайн неизреченных ритора, звезду церковную, Луку Божественнаго восхвалим: Слово бо его избра, с Павлом мудрым языков учителя, Един ведый сердечная.

Тропарь Апостолу, глас 3

Апостоле святый Лука, моли милостиваго Бога, да прегрешений оставление подаст душам нашим.

Кондак Апостолу, глас 4

Яко звезду пресветлую Церковь всегда стяжа тя, апостоле Лука,чудес твоих многоподаванием просвещаема. Тем же зовем Христу: спаси чтущих верою память Твоего апостола, Многомилостиве.

Николай Угодник не только исцелял глазные болезни, но и возвращал зрение слепым.

О, всеблагий отче Николае, пастырю и учителю всех верою притекающих к твоему заступлению и теплою молитвою тебе призывающих! Скоро потщися и избави Христово стадо от волков, губящих е; и всякую страну христианскую огради и сохрани святыми твоими молитвами, от мирскаго мятежа, труса, нашествия иноплеменников и междоусобныя брани, от глада, потопа, огня и напрасныя смерти; и якоже помиловал еси триех мужей в темнице сидящих и избавил еси их царева гнева и посечения мечнаго, тако помилуй и мене, умом, словом и делом во тьме грехов суща, избави мя гнева Божия и вечныя казни, яко да твоим ходатайством и помощию. Своим же милосердием и благодатию Христос Бог тихое и безгрешное житие даст ми пожити в веце сем и избавит мя шуияго стояния, сподовит же деснаго со всеми святыми. Аминь.

О всесвятый Николае, угодниче преизрядный Господень, теплый наш заступниче, и везде в скорбех скорый помощниче! Помози ми, грешному и унылому, в настоящем сем житии, умоли Господа Бога даровати ми оставление всех моих грехов, елико согреших от юности моея, во всем житии моем, делом, словом, помышлением и всеми моими чувствы; и во исходе души моея помози ми, окаянному, умоли Господа Бога, всея твари Содетеля, избавити мя воздушных мытарств и вечнаго мучения, да всегда прославляю Отца и Сына и Святаго Духа и твое милостивное предстательство, ныне и присно и во веки веков. Аминь.

Блаженному Василию, Христа ради юродивому, Московскому чудотворцу

О великий угодниче Христов, истинный друже и верный рабе Всетворца Господа Бога, преблаженне Василие! Услыши ны многогрешныя, ныне вопиющыя к тебе и призывающыя имя твое святое: помилуй ны припадающыя днесь к раце мощей твоих: приими малое наше и недостойное сие моление, умилосердися над убожеством нашим, и молитвами твоими исцели всяк недуг и болезнь души и тела нашего грешнаго, и сподоби ны течение жизни сея невредимо от видимых и невидимых враг безгрешно прейти, и христианскую кончину не-постыдну, мирну, безмятежну, и Небеснаго Царствия наследие получити со всеми святыми во веки веков. Аминь.

Молитва от слепоты, болезни ног, кожных болезней

О блаженная душе, о премудрости исполненный разуме: возсия бо нам светонезаходимое солнце веселия, просвещая Российское царство: от бесов уязвленных исцелитель, паче же и самих бесов прогонитель, слепым прозрение, хромым хождение, сляченным исправление, болящим всем исцеление и здравие: от бед и скорбей избавление, печальным утешение.

Молитва ангелу-хранителю для зашиты от неудачи
Как известно, есть несведущие люди, которые постоянно кричат, что у них развита интуиция или какое-то сверхъестественное чутье, когда они слышат свой…
Молитва от бесплодия
Для многих людей дети представляют собой несказанную радость. К несчастью, такое счастье не всегда случается в семьях и все чаще можно видеть людей, лишенных…
Икона Божией Матери Гребневская
Икона Божией Матери Гребневская. Пред иконой Пресвятой Богородицы Гребневская молятся об избавлении от иноплеменных и сохранении Российской державы, об…
Белыничская икона Божией Матери
Белыничская икона Божией Матери Пред иконой Пресвятой Богородицы Белыничская молятся об облегчении и исцелении своих недугов и об утешении в скорби. Молитва ко…
Икона Божией Матери «Взыскание погибших»
Икона Божией Матери «Взыскание погибших» или «Избавление от бед страждущих» Пред иконой Пресвятой Богородицы «Взыскание погибших» молятся о благословении…