Икона Божией Матери Валаамская

Икона Божией Матери Валаамская . Пред иконой Пресвятой Богородицы Валаамская молятся об утверждении в вере и любви.

Молитва ко Пресвятой Богородице пред Ее иконою Валаамская

О Чудная и вышшая всех тварей Царице Богородице, Небеснаго Царя Христа Бога нашего Мати! Услыши ны грешныя и недостойныя рабы Твоя, в час сей молящияся и припадающия к Тебе со воздыханием и слезами и умильно глаголющия: изведи нас от рова страстей, Владычице, избави нас от всякия скорби и печали, огради от всякия напасти и злых клевет и от неправеднаго и лютаго навета вражия. Можеши бо, о Благодатная Мати Божия, не точию от всякаго зла сохранити люди Твоя, но и всяким благодеянием снабдити их и спасти, разве Тебе иныя Предстательницы в бедах и обстояниих и теплыя Ходатаицы о нас грешных не имамы к Сыну Твоему, Христу Богу нашему. Егоже умоли, Владычице, да, спасеннии Тобою, славим в будущем веце всесвятое имя Сына Твоего и Бога нашего, купно со Отцем и Святым Духом, ныне и в безконечныя веки. Аминь.
Тропарь, глас 4

Богородице Дево, на Твою икону пресветлую взирающе, радуемся, пред нею бо на острове Валааме мольбы усердно молящихся исполняются; услыши, Пречистая, и нас молящих Ти ся, утверди нас в вере и любви, и испроси мирови мир и душам нашим велию милость.

Величание

Величаем Тя, Пресвятая Дево, и чтим образ Твой святый, от него же истекает благодатная помощь всем, с верою притекающим к нему.

 

Понравился заговор ? Поддержи наш сайт , поделись с друзьями !

Прочитано 1695 раз