Икона Божией Матери «Елецкая — Владимирская»

Икона Божией Матери «Елецкая — Владимирская» Пред иконой Пресвятой Богородицы Елецкая-Владимирская молятся о защите от иноверных и иноплеменных, об исцелении всякой немощи телесной и душевной.

Молитва ко Пресвятой Богородице пред Ее иконою «Елецкая-Владимирская»

О Пресвятая Госпоже Владычице Богородице! Вышши еси всех Ангел и Архангел и всея твари честнейши, помощница еси обидимых, ненадеющихся надеяние, убогих заступница, печальных утешение, алчущих кормительница, нагих одеяние, больных исцеление, грешных спасение, христиан всех поможение и заступление.

О Всемилостивая Госпоже, Дево Богородице Владычице! Милостию Твоею спаси и помилуй страну нашу, преосвященныя митрополиты, архиепископы и епископы, и весь священнический и иноческий чин, военачальники, градоначальники и христолюбивое воинство, и доброхоты, и вся православныя христианы ризою Твоею честною защити, и умоли, Госпоже, из Тебе без семене воплотившагося Христа Бога нашего, да препояшет нас силою Своею свыше на невидимыя и видимыя враги наша. О Всемилостивая Госпоже Владычице Богородице! Воздвигни нас из глубины греховныя, и избави нас от глада, губительства, от труса и потопа, от огня и меча, от нахождения иноплеменных и междоусобныя брани, и от внезапныя смерти, и от нападения вражия, и от тлетворных ветр, и от смертоносныя язвы, и от всякаго зла.

Подаждь, Госпоже, мир и здравие рабом Твоим, всем православным христианом, и просвети им ум и очи сердечныя еже ко спасению, и сподоби ны, грешныя рабы Твоя, Царствия Сына Твоего, Христа Бога нашего, яко Держава Его благословена и препрославлена, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.

Тропарь, глас 4

Днесь светло красуется древний град Елец, поминающе славное чудо Пресвятыя Богородицы: егда бо на стогнах Первопрестольныя Москвы икону Ея чудную людие московстии сретаху, тогда Сама, Владычице, на горе Аргамачстей во граде Ельце, на сретение нечестивому Тамерлану изшедше, грозное его нашествие вспять обрати. Сего дивнаго явления изображение на новописанней иконе зряще и Заступницу нашу за вся благодеяния Ея благодаряще, умильно Ей взываем: и в предняя не остави нас, о Мати Милосердая.

Величание

Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем, с верою притекающим.

  • Икона Божией Матери Воспитание

    Икона Божией Матери Воспитание. Пред иконой Пресвятой Богородицы «Воспитание» молятся о воспитании чад в вере и благочестии. Молитва ко Господу нашему Иисусу…
  • Молитва от порчи и сглаза у детей

    Каждый родитель желает защитить своего ребёнка от порчи и сглаза. Дети очень часто становятся жертвами случайной порчи или сглаза. Это происходит потому, что…
  • Молитва ангелу-хранителю для зашиты от неудачи

    Молитвы Ангелу-Хранителю на все случаи жизни и для зашиты от неудачи [panel background="#1b75bb" color="#ffffff" icon="icon: star-o" border="2px dotted…
  • Беседная икона Божией Матери

    Беседная икона Божией Матери Пред иконой Пресвятой Богородицы Беседная молятся об успехах в строительстве, о строительстве вообще, о восстановлении и…
  • Сильные материнские молитвы

    Материнские молитвы. Любящая мать с думами о детях всегда может обратиться к Пресвятой Богородице, Заступнице нашей, и к ангелу-хранителю своего чада.…

Понравился заговор ? Поддержи наш сайт , поделись с друзьями !

Прочитано 1636 раз